Bir guruh professor-o‘qituvchilar va xodimlar munosib taqdirlandi

Tantanali tadbir davomida universitet rektori Abdug‘affor Qirg‘izboyev Oliy ta’lim, fan va innovatsiyalar vazirining tegishli buyrug‘iga asosan «Oliy ta’lim a’lochisi», Maktabgacha va maktab ta’limi vazirining tegishli buyrug‘iga asosan esa «Xalq ta’limi a’lochisi» ko‘krak nishoni bilan taqdirlangan bir guruh professor-o‘qituvchilar hamda xodimlarga mazkur ko‘krak nishonlarini tantanali ravishda topshirdi.

Shuningdek, universitetning ta’lim-tarbiya, ilmiy faoliyat hamda jamoat ishlarida samarali mehnat qilib, oliygoh rivojiga munosib hissa qo‘shib kelayotgan bir guruh professor-o‘qituvchilar, xodimlar va tyutorlar tashakkurnoma hamda esdalik sovg‘alari bilan taqdirlandi.